Природно Наследство – Пеперутки
![Phengaris arion](https://vevcani.mk/wp-content/uploads/2022/10/Phengaris-arion.png)
Пеперутки
На територијата на планината Јабланица, на чија територија се протега и заштитеното подрачје Вевчански Извори Споменик на природата, се присутни пет фамилии на дневни пеперутки со 107 видови: Papilionidae со 5 видови; Pieridae со 15, Lycaenidae со 33, Nymphalidae со 45 и Hesperiidae со 9 видови.
Овие видови најчесто се среќаваат во отворените места во шумските живеалишта, на рабовите на шумските живеалишта, по течениjaта на водените површини, по ливадите и пасиштата и во руралните населби.
На територијата на заштитеното подрачје Споменик на природата „Вевчански извори“ присутни се 8 видови кои се наведени во Европската црвена листа на пеперутки, од кои 7 се наведени како близу засегнати (NT), а еден вид (Синоглава пеперутка- Phengaris arion) е наведен како загрозен (EN). Според директивата за живеалишта на Европската унија, наведени се 7 видови од кои 3 вида се присутни на прилог II (животински и растителни видови од интерес за Европската заедница чија заштита бара прогласување на специјални подрачја за заштита). Три вида (Аполоновата пеперутка- Parnassius apollo, Лажна аполонова пеперутка- Parnassius mnemosyne, Јужно велигденче- Zerynthia polyxena) се наведени во прилог IV (животински и растителни видови од интерес за Европската заедница на кои е потребна строга заштита) и еден вид (Балкански синец- Polyommatus eroides) е наведен и во прилог II и во прилог IV. Согласно Бернската конвенција, утврдено е присуство на 4 вида (Parnassius apollo, Parnassius mnemosyne, Zerynthia polyxena, Шаренец- Euphydryas aurinia) кои се наведени во Прилог II (строго заштитени видови од фауната) од истата конвенција.
Закани за пеперутките: Најголемите закани за пеперутките се промени во живеалиштата и нивната загуба поради развој на инфраструктурата, индустријата и земјоделието. Климатските промени исто така се закана за пеперутките и нивниот опстанок.
![Parnassius apollo](https://vevcani.mk/wp-content/uploads/2022/10/Parnassius-apollo.png)
![Polyommatus eroides](https://vevcani.mk/wp-content/uploads/2022/10/Polyommatus-eroides.png)
![Zerynthia polyxena](https://vevcani.mk/wp-content/uploads/2022/10/Zerynthia-polyxena.png)
![Euphydryas aurinia](https://vevcani.mk/wp-content/uploads/2022/10/Euphydryas-aurinia.png)
![Parnassius mnemosyne](https://vevcani.mk/wp-content/uploads/2022/10/Parnassius-mnemosyne.png)