Во рамки на програмата на Drim Short Film Festival, Eko-svest реализира низа активности посветени на еколошката свест, заштитата на природата и улогата на филмот како медиум за општествена промена. Еден од централните настани беше јавната дискусија на тема „Иднината на нашите води и живиот свет што ги населува“, која се одржа во пријатната атмосфера во Europe House Struga
Дискусијата отвори суштински прашања поврзани со заштитата на водните екосистеми и биолошката разновидност.
Во дискусијата учествуваа:
Д-р Орхидеја Тасевска – PSI Hydrobiological Institute
Д-р Даниел Богнер – Biodiversity For Everybody
Дарко Ќитаноски – Eko-svest
Модераторка на настанот беше Ана Наумоска, која умешно го водеше разговорот и поттикна плодна размена на мислења.
Темите кои беа обработени вклучуваа:
– состојбата и иднината на загрозените ендемски видови;
– влијанието на антропогените фактори врз квалитетот на водата;
– значењето на граѓанскиот активизам и улогата на локалната заедница;
– потребата од ефективна соработка меѓу јавноста и релевантните институции.
По завршувањето на дискусијата, следеше проекција на два документарни филма кои тематски се надоврзаа на дискусијата:
– The Harmony between Man and Nature – режија: Сашо Алушевски (МК), посветен на природното богатство на Вевчански извори
– Disaster Theories – Our Planet in Flames – режија: Димитрис Цецас (ГР), кој се осврнува на глобалните еколошки предизвици
Ден претходно, учесниците на фестивалот имаа можност да го посетат заштитеното подрачје „Споменик на природата – Вевчански извори“.
Посетата вклучуваше теренска прошетка до самите извори, како и разгледување на трајната поставка за природа во Мултикултурен Центар “Коста Србакоски” Вевчани
Искрена благодарност до сите говорници, учесници и гости кои придонесоа за успешната реализација на овие активности. Заедно продолжуваме да ја градиме свеста за значењето на природата и одговорноста што ја имаме кон идните генерации.
Активностите се дел од проектот „Поддршка на одржливо управување со Споменикот на Природа Вевчански Извори“ спроведуван од Еко-свест, а финансиран од Prespa Ohrid Nature Trust – PONT
